وضع سمعته وخبرته وعلمه في المشروع.. السيسي يشكر استشاري محور "أبو ذكري"

كتب - محمود مصطفى أبوطالب:
وجه الرئيس عبدالفتاح السيسي، الشكر للدكتور عبدالسلام محمد سالم الأستاذ بكلية الهندسة بجامعة القاهرة، استشاري مشروع محور المشير "فؤاد أبو ذكري".

وقال الرئيس السيسي خلال افتتاح المحور، صباح اليوم، بالإسكندرية "سعيد بإشراف الدكتور عبدالسلام على المشروع الكبير، وحابب أقول خلفية بسيطة عن المشروع، من حوالي سنة ونص، حصل نقاش على بناء الطريق في البحيرات وإنه ممكن يسبب مشكلة، وحضرنا بدء تدشين المرحلة دي، وقولنا للدكتور سالم عاوزين رأيك وإشرافك، وعاوزين نطمن على المسار الفني وانه مطابق للمعايير والمواصفات اللي احنا صممناها".

وتابع الرئيس السيسي: "المحور كان عبارة عن نصين، النص التاني خدله 20 سنة في الهبوط، واللي شرحه الدكتور عبدالسلام يؤكد إن الأمور بالنسبة للمحور مطمئنة، ولو حصل أي هبوط هيكون في الطبيعي".

وتابع الرئيس السيسي موجها حديثه لاستشاري محور "أبو ذكري": "بنشكر حضرتك وسعداء بالجهد، حضرتك حطيت ثقل كبير من السمعة والخبرة والعلم في المشروع".