انت إزاز ما نحبش نلمسه.. السيسي يكشف موقف إعلاميَّين قبل ترشحه للرئاسة وبعدها

كتب- محمد عمارة وأحمد السعداوي:

قال الرئيس عبد الفتاح السيسي إنه أثناء ترشحه للرئاسة اثنان من الإعلاميين الأفاضل قالا له "نعمل معك لقاء"، وبعد انتهاء اللقاء قالا له: "احنا مانمناش امبارح، أصل انت إزاز مانحبش نلمسه، اللي اتعمل كتير أوي، ولازم نخلي بالنا...".

وأضاف السيسي، خلال الجلسة الختامية للمؤتمر الاقتصادي مصر- 2022، اليوم الثلاثاء: ... كويس، بعدها بكام شهر، واحنا بنفتتح مشروع، حد قال السجادة الحمرا اللي ماشيين عليها، بعد كام شهر اتغيرتوا؛ لأ انتوا ماتغيرتوش، انتوا مش عارفين السياق الإعلامي للدولة في الفترة دي.. مش للرئيس، انت عايز توحد الجهود في ظل ظروف لمصر مش مناسبة، هاتكلم على أدبيات أو ثقافة أو البعد الديني.

وتابع الرئيس السيسي: كنا بنتكلم عن أهمية إصلاح الخطاب الديني، قُلت طب الواقع اللي بنقوله والفهم للممارسات الدينية، محتاجة إعادة طرح للفقه يتعامل مع المتغيرات.

واستطرد الرئيس: قُلت مرة الطلاق يبقى وثيقة مكتوبة لحماية حقوق الناس، وبعدين من غير ما أذكر أي أسماء أو مؤسسات، وقالوا طرحنا الكلام على لجنة؛ نسبة وافقت ونسب قليلة رفضت، وقالوا أصل انت اللي طرحته، وده دعم للسلطة، ده بيعكس الفهم اللي محتاج يتطور تجاه الدولة؛ المقترح بقى غير قابل للتنفيذ، تسيب الحق لأجل الكلمة دي.