السيسي: أطفال معسكرات اللاجئين هيشتغلوا لتدمير ليبيا ويمكن مصر

كتب- محمد نصار:

قال الرئيس عبدالفتاح السيسي إنه سيواصل الحديث بشأن حقيقة ما يفعله دعاة التغيير في المنطقة من تدمير للأوطان وتهجير للشعوب.

وأضاف السيسي، خلال افتتاح مجمع التكسير الهيدروجيني، بمسطرد، اليوم الأحد: "ده ميرضيش ربنا، ناس كانت عايشة مستقرة نهجرهم ويعيشوا لاجئين الطفل اللي عنده 10 سنين وعايش في المعسكرات وبقى 20 سنة هيبقى إيه دلوقتي.. هيبقى إيه ويشتغل إيه.. هيشتغلوا في ليبيا، ولو مخدناش بالنا ييجوا يشتغلوا في مصر، يدمروا مصر".

وأكد الرئيس السيسي: "الموضوع كبير أوي مش على قد الظروف الاقتصادية الصعبة ومعاناة الناس، طيب الناس كانت بتعاني قبل كده ممكن، طيب وقتها المعاناة أكتر ولا دلوقتي، دلوقتي أكتر، علشان كده بقول للإعلام أنتم أداة التنوير الحقيقية لتشكيل وعي الناس، والتعليم أنتم الأساس في بناء فهم صحيح لأودلانا".

وتابع: "هتقولي هتفضل تتكلم في الموضوع ده علطول.. آه هفضل أتكلم طول ما أنا في مكاني، علشان نعرف الخراب اللي بيعملوه في العالم ويشردوا ملايين الناس، ويخربوا العالم ويقولوا هنجيب ليكم الدولة اللي بيقولوا عليها.. والله لن تقوم دول حتى على منهج ديني يكون أساسها تخريب وتدمير الدول".