السيسي عن إساءة الغرب للإسلام: "إحنا مسئولين بردوا"

كتب- محمد نصار:

قال الرئيس عبدالفتاح السيسي: "كل دين قوي واللي بيضعفه أهله، ربنا قال كلوا وأشربوا ولا تسرفوا، وأنا مقصدش حاجة خالص، بس هل النهاردة أمة الإسلام لما نحطها وسط الأمم هنجد إنها الأقل في الأكل والشرب والإسراف، عايز أقول إن اللي بيأثر على الدين أهله".

وأضاف السيسي، خلال احتفال وزارة الأوقاف بليلة القدر، اليوم الأحد: "هجيب مثل، اسمعوا خطبي كلها لم أقول لفظ مسئ واحد أو لفظ خادش واحد لا لعدو ولا لحبيب، إحنا اللي بنقدم دينا وإسلامنا، من خلال ممارستنا كبشر".

وعلق السيسي على حديث فضيلة الإمام الأكبر الدكتور أحمد الطيب، شيخ الأزهر حول الإساءة للإسلام من قبل الغرب قائلًا: "كلام فضيلة الإمام مهم جدًا في أنه يُساء للإسلام من الغرب، بس إحنا مسئولين بردوا".