بالفيديو- أحمد موسي يعرض تسجيلًا صوتيًا بين محمد الغيطي و عصام العريان

كتب - شريف أيمن:

عرض الإعلامي أحمد موسى، تسجيلًا صوتيًا بين الكاتب الصحفي محمد الغيطي، وعصام العريان، القيادي بجماعة الإخوان المسلمين، تكشف تورط الإعلامي في تنفيذ مخططات الجماعة.

وقال محمد الغيطي -خلال المكالمة الهاتفية المسربة، التي عرضت ببرنامج "على مسئوليتي"- موجهًا حديثه للعريان قائلًا:"أنا عمال أشتم فيك في المقالات، مستني ترفع التليفون وتكلمني وتتواصل معايا، انت حبيبي"، ورد العريان: "أنا بتواصل معاك بس من خلال وسيط، أنا بحبك من زمان أوي".

وأضاف العريان: "أنا كنت في برنامج تليفزيوني أثناء حرق مقر أمن الدول، وبعت مساعد ليا للحصول على بعض الأوراق من الداخل، ولقيت ورق ليك باسمك كنت عايز أبعتهولك، أصل دي أمانة".

ورد الغيطي قائلًا: "انت واحشني وده اللي خلاني أكلمك، وثاني حاجة أنا عامل عرض مسرحي عن شهداء ثورة 25 يناير، وفي المسرحية دي في شخصية شاب اسمه كريم بنونة بيقول أنا إخوان وشايف إن البنات المحجبة اللي في الميدان دول محترمين وجدعان، وبالطريقة دي بيكسب تعاطف المسيحيين الموجودين في الميدان".

وتابع الغيطي: "الناس واخدة فكرة غلط عن الإخوان إن هما بيحرموا الفن، ودة غير صحيح، العرض المسرحي شغال من 9 إلى 10:30 بمسرح السلام في القصر العيني، هذا العرض مستمر طوال الأسبوع ماعدا الثلاثاء لمدة اسبوعين".

وأستطرد الغيطي: "أنا كنت عايزك تيجي تحضر العرض دة لأنه بيظهر للناس الوجه الحقيقي للإخوان المسلمين، أنهم غير متعنتين وليس ضد الفن وتحريمه".

ومن جانبه قال العريان: "انشاء الله نحضر الأثنين القادم العرض، وهرد عليك برسالة أأكد اننا جايين".