''نديم'': مصاب في قصر القبة برصاص حي ويتهم مرسي بالشروع في قتله

كتب- فادي محمد:

نشر مركز النديم لعلاج ضحايا التعذيب شهادة رمضان علاء، 20 عامًا، أحد مصابي اشتباكات قصر القبة يوم 16 /2/ 2013 و المصاب برصاصة في الصدر، وطلقات خرطوش، ويرقد الآن في مستشفي الزيتون التخصصي.

و قال علاء: ''يوم الجمعة 16/2 كنت رايح أركب الميكروباص عشان أروح، كانوا بيرشوا مياه من جوا القصر، وبعدين قنابل غاز، جت 4 مدرعات، اتنين من يمين القصر، واتنين من شمال القصر، فضلوا يضربوا غاز وخرطوش، عملوا تشكيلة''.

وأضاف: ''المدرعة اللي ناحية الكوبري طلع منها واحد ضرب عشوائي بسلاح آلي، حاولت أحفظ رقم المدرعة معرفتش. اتصابت في صدري من الناحية الشمال من تحت، وعربية الإسعاف شالتني وكان معايا واحد اسمه ''جمعة'' (معرفوش قبل كده)''.

و تابع:''عربية الإسعاف وصلتني مستشفى الزيتون التخصصي، وعملوا لي أشعة أعلى لصدر والحوض. دخلت العمليات، الدكاترة قالوا دي عملية استكشافية وإنهم ما خرجوش الطلقة و لما جاء ضباط قسم الأميرية وقسم الحدائق ومعاهم وكيل نيابة، وفي التحقيق اتهمت محمد مرسي ووزير الداخلية والمرشد العام للإخوان بالشروع في القتل''.