"مفيش فرز تاني".. اتحاد الصناعات: جشع التجار سبب ظهور السوق السوداء بالأجهزة الكهربائية

كتب- محمد أبوالمجد:

أكد المهندس حسن مبروك، رئيس شعبة الأجهزة الكهربائية والمنزلية باتحاد الصناعات، أن ظاهرة السوق السوداء والـ أوفر برايس، تكمن من قلة المعروض وزيادة الطلب على الشراء، قائلًا: "لو العرض أكتر من الطلب كنا هنلاقي الأجهزة بأسعارها الحقيقية وبيبقى في عروض عليها عشان الناس عايزه تبيع، لكن لما الطلب يكون أكتر من العرض والمعروض أقل من المطلوب تظهر هذه الظاهرة، خاصة عند التجار اللي عندهم شوية جشع والذي يخزنوا البضائع تحسبًا لأسعار الصرف.

وأضاف "مبروك" في مداخلة هاتفية لبرنامج "مساء دي إم سي" على فضائية "دي إم سي" اليوم السبت، أن التجار الجشعين يقوموا بتخزين البضائع، خاصة مع التوقعات بحدوث تعويم الفترة الحالية أو بعد 3 أشهر ويتم التخزين في مخازن غير معروفة ويكون الوسطاء تابعين للتجار الجشعين.

وتابع، أن بعض التجار يستغلوا الظروف وعدم وجود دولار أو وجود معروض كثير وتظهر ظاهرة الأوفر برايس التي يتم الحديث عنها، موضحًا أن الإنتاج في المصانع حاليًا قليل جدًا نظرًا لعدم وجود دولار ولذلك فأن ما يتعلق بالفرز الثاني في المصانع من الصعب إيجادها، قائلًا: "لو بيطلعوا فرز تاني بيبقى للعاملين وبدون ضمان، مفيش خامات ومكونات للمصانع عشان تنتج الإنتاج العادي بتاعها".