مصطفى بكري: "الرئيس السيسي مش بيشوف بيته عشان مصر ومحدش بيقول شكرًا"
تطبيق مصراوي
لرؤيــــه أصدق للأحــــداث
كتب – معتز عباس:
قال الإعلامي مصطفى بكري، إن كثير من الفيديوهات التي تنشر على بعض منصات التواصل الاجتماعي لانتقاد الدولة المصرية، تتجاهل ما يحدث من إنجازات على أرض الواقع.
وأضاف "بكري"، خلال تقديم برنامج "حقائق وأسرار"، المذاع على قناة "صدى البلد"، اليوم الخميس، قائلًا: "مشكلتنا أن بعض التجار ليس لديهم ضمير وفي اللي بيبيعوا بسعر كبير وبيخزنوا"، متابعًا: "نمر بمشاكل مش قليلة على بلد زي مصر وبنعاني و60% من السياحة روسي وأوكراني وقفت".
وأكمل: "الرئيس السيسي طلع توشكى ومشروع مستقبل مصر لزراعة القمح، حققنا اكتفاء ذاتي من السكر والأرز، صحيح في أخطاء وتراجع ومشاكل أيوة لكن بنصلح مع بعض ونبني الوطن"، متابعًا: "لازم صوت الناس يتسمع وفرصة يقولوا ويتكلموا في الحوار الوطني الناس مطلوب تعلي صوتها وتحط خطط لقدام".
وتابع: "الرئيس السيسي مش هيشتغل لوحده.. محتاج كل الناس معاه.. وكان اللي في عونه الراجل مش بيشوف بيته، ومفيش حد بنقوله شكرًا حتى لو خلص البلد من الإخوان، وشعب مصر العظيم عارف مين معاه ومين ضده".
واختتم مصطفى بكري، قائلًا: "الشعب المصري واعي ومحدش يقدر يضحك عليه وأي حد بيحاول يجرنا لمنطقة أخرى بنقول له كش ملك".
فيديو قد يعجبك:
