"مش هيضحكوا علينا تاني".. عمرو أديب يستنكر المطالبة بمشاركة الإخوان في الحوار الوطني
تطبيق مصراوي
لرؤيــــه أصدق للأحــــداث
كتب- محمد جمعة:
استنكر الإعلامي عمرو أديب، مطالبات بعض الأشخاص من المعارضة مشاركة جماعة الإخوان في الحوار الوطني الذي دعا إليه الرئيس عبد الفتاح السيسي وستيدأ جلساته الشهر المقبل.
وقال أديب، خلال تقديمه برنامج "الحكاية" المذاع على فضائية "MBC مصر"، مساء الأحد: "الإخوان قالوا مش هندخل الرئاسة ودخلوا، ودلوقتي المطالب بتقول إن الجماعة هتوافق على دستور 2014، وهيقولوا السيسي رئيسي بس رجعني وطلعلي المرشد حبيبي والشاطر وغيره، إيه الثمن اللي هندفعه مقابل ده؟"
وأضاف أديب: "لازم تعرف العدو بتاعك مين، إحنا مش هنسلم القط مفتاح الكرار، ويرجعوا بقى مكبرين مهللين وإن المجتمع يستوعب من الحبايب ألف.. لأ أنا عجزت على الكلام ده، وشوفته قبل كده 3 مرات هو أنا هيضحك عليا للمرة الرابعة، وأنا عمرو أديب الإخوان مش هيضحكوا عليا تاني".
وتابع أديب: "هو في ألمانيا لو هيعملوا حوار وطني هيجيبوا النازيين اللي هدموا المجتمع.. إنتم مش شفتم الإخوان كانوا بيضربونا بالرصاص.. العشرين الاسم الموجودين في مصر اتشالوا من لستة الإخوان خلاص، في ناس لازم تعزل من الحياة السياسية".
وأشاد أديب بتشكيل مجلس أمناء الحوار الوطني الذي أعلن عنه نقيب الصحفيين ضياء رشوان، المنسق العام للحوار، قائلًا: "يضم أسماء جيدة لها وزن سياسي واقتصادي وإعلامي".
فيديو قد يعجبك:
