"كنا رايحين نعمل أشعة".. زوج مارينا صلاح يناشد الرئيس السيسي بمحاسبة المتسبب في وفاتها
تطبيق مصراوي
لرؤيــــه أصدق للأحــــداث
كتب- محمد أبوالمجد:
كشف رامز دوس، تفاصيل وفاة زوجته مارينا صلاح ضحية الخطأ الطبي، قائلًا: "زوجتي كانت داخلة المستشفى على رجلها تعمل أشعة بالصبغة على عينها ومفيش فيها حاجة، ولقيتها مرة واحدة طالعة بتجري من المستشفى وبتقولي الحقني أنا بموت".
وقال "رامز" خلال تقديمه لبرنامجه "على مسئوليتي" على فضائية "صدى البلد" اليوم الاثنين: "كنا رايحين نعمل أشعة بعدما كشفنا عند دكتورة في المستشفى قبلها بيوم"، موضحًا: "أنا لسه راجع من دفن زوجتي وحق مراتي مش هيضيع عشان حق ابنها اللي عمره سنة ونصف".
وناشد "رامز" الرئيس عبدالفتاح السيسي والقيادة السياسية بالتحقيق في واقعة وفاة زوجته مارينا صلاح، ومعاقبة المتسبب في الواقعة، قائلًا: "أفوق شوية من الصدمة ومش هسيب حقها ولو آخر يوم في عمري مش هسيبه، حتى لو الدنيا هيحصل فيها ايه".
وتابع: "هروح أنام قدام قصر الاتحادية لحد ما أقابل الرئيس السيسي عشان مفيش حد يتقهر على حد غالي عليه بالطريقة دي تاني أو حد يحصله كده"، موضحًا: "دي مش أول حالة نسمع عنها في المستشفى وأنا مش هسكت بس أستوعب اللي حصل ومش هسيب حقها أبدًا ولو آخر يوم في عمري".
وأكد: "واثق من أن الرئيس السيسي عمره ما هيعدي حاجة زي كده دون حساب".
فيديو قد يعجبك:
