مصطفى بكري: طالبنا باستدعاء وزير قطاع الأعمال منذ 6 أشهر لكنه لم يحضر

كتب – معتز عباس:

قال الإعلامي مصطفى بكري، إن وزير قطاع الأعمال، هشام توفيق، يواصل تصفية الشركات الوطنية، ومجلس النواب طالب باستدعائه منذ 6 أشهر لكن الوزير لم يحضر.

وأضاف "بكري"، خلال تقديم برنامج "حقائق وأسرار"، المذاع على قناة "صدى البلد"، اليوم الخميس، أن لمجلس النواب دورة الرقابة والتشريع، ولا يصح أن تتجاهله الحكومة أو وزير قطاع الأعمال، متابعًا: "متوصلوناش نقول مفيش فايدة، كيف لا تستجيب الحكومة لمجلس النواب؟!".

وأكمل: "يعنى لما يطلع وزير قطاع الأعمال مثلا ويقولك أنا هصفي شركة الايام الجاية وبعد كده هتقف، والنبي إيه، هي شركة إيه اللي سيادتك شايف إنها تتصفى، لو كانت شركة الكوك، أنا بطلب من الدولة تسمع رئيس مجلس إدارة الشركة الدكتور سيد الطيب"، متابعًا: "على فكرة هو اللي كان مصفى الشركة القومية للأسمنت، ما أنت بعت القومية للأسمنت والحديد والصلب وغيرهم، عملت أيه؟، الشركات اتحولت لخرابة وقاعدين نقول اللي ما يشتري يتفرج وده لمصلحة مين".

وتابع: "بقول لرئيس الوزراء للمرة عشرومية، كل يوم بيعدي على الناس الناس بتموت، أنا راجل بحترمك وبقدرك وبقدر مجهودك واللي ينكر مجهودك يبقى شخص جاحد، لكن انا بستغرب يا افندم عندك وزراء ومحافظين ربنا أعلم، ماهو مش كل الناس بتشتغل ومش كل الناس بتنفذ التعليمات سليمة، في ناس هتخلي ناس هتطق".