عم ضحية ميكروباص المنيا: "السواق مشهور بالبلطجة وبتاع مخدرات"

كتب – معتز عباس:

كشف إبراهيم عز عم إحدى ضحايا حادث انقلاب ميكروباص بترعة الإبراهيمية أمام قرية البرجاية بمركز المنيا، تفاصيل الواقعة.

وقال "عز"، في مداخلة هاتفية لبرنامج "الحياة اليوم"، المذاع عبر فضائية "الحياة"، اليوم الثلاثاء: "كنت في مصر وجيت من مصر الساعة 7 الصبح وجيت ريحت وبعد المغرب جرينا على الخبر".

وأضاف :"أية بنتنا كانت في الميكروباص اللي وقع في الترعة، واللي نجا من الحادثة والغرق 5 أفراد من ضمن 14 آخرين"، متابعًا: "الناجين من الميكروباص قالوا إن السواق مرضيش يقول في الموقف أن الأجرة هتكون 15 جنيه، والأجرة في الأساس 13 جنيه".

وأكمل: "السواق مشهور بالبلطجة وبتاع مخدرات، وهدد الركاب بالنزول بالميكروباص في الترعة لو محدش دفع الأجرة 15 جنيه، وهو كان قاصد وعايز ينفذ كلامه، ولما العربية قربت من الترعة فتح الباب ونط من الميكروباص".