"يارب أكرمه عشان يفرح مصر".. والدة عمر عصر عن تأهله لربع نهائي تنس الطاولة

كتب- محمد خميس:

أعربت أمل المحمدي، والدة لاعب منتخب مصر لتنس الطاولة عمر عصر، عن سعادتها بالنتيجة التي حققها نجلها، وتأهله إلى ربع النهائي في دورة الألعاب الأولمبية في طوكيو 2020، قائلة: "مهما قلت مش هعرف أوصف أنا كنت بدعي ربنا طول الوقت أنو يفرح لأنه منذ أن كان عمره 15 سنة بيتمنى يجيب ميدالية يفرح بلده بيها كان ده حلمه وربنا يحقق له حلمه".

وقالت "المحمدي" في مداخلة هاتفية لبرنامج "كلمة أخيرة" على فضائية "ON E" اليوم الثلاثاء:"بقول يارب إكرمه كمان وكمان عشان يفرح مصر لأن مصر بلد عظيمة وتستحق تفرح"، موضحة أن مباراة نجلها غدًا مع اللاعب الصيني ما لونج في الدور ربع نهائي صعبة للغاية.

وتابعت: "يارب يسهل أموره ويجعل كل صعب قدامه سهل يارب وكل حبايبنا يدعو له حتى المصريين اللي مش متابعين غير كرة القدم لما سمعوا عن عمر أو لاعب أخر في الألعاب الفردية دعولهم وفرحانين وبيتمنوا النجاح ليهم".