الطفل محمد هاني يكشف تفاصيل غنائه مع الرئيس السيسي خلال زيارته لغرب سهيل

كتب- محمد أبوالمجد:

كشف الطفل النوبي، محمد هاني، تفاصيل حواره مع الرئيس عبدالفتاح السيسي، خلال زيارته لقرية غرب سهيل، ضمن فعاليات أسبوع الصعيد، قائلًا: "كنت قاعد تحت عشان الصورة مع الرئيس، لما غنيت له سألهم وقالهم مين الولد اللي غنى دا"، مضيفًا: "لما قابلت الرئيس السيسي كان عادي معايا ومكنتش قلقان بس اتخضيت واتفاجئت لما سأل عليا".

وأضاف "محمد" في حواره لبرنامج "يحدث في مصر" على فضائية "إم بي سي مصر" اليوم الأربعاء: "قلت للرئيس قول وغني معايا وأغنيتي حلوة السيسي يعني أنت فرحان بينا "ان جراتي" تعني الفرحة، وانبطي يعني أرقص معانا"، متابعًا: "أنا عندي 3 أخوات وأنا في الصف الأول الإعدادي، وبحب أغني من وأنا صغير، وبتدرب على الغنا والرقص مرتين في الأسبوع في المركز".

فيما قال والده : "المعتاد دايمًا أن الأب هو اللي بيجيب ابنه معاه لكن النهارده ابني هو اللي جابني التليفزيون وفخور ومبسوط بيه"، موضحًا: "لما شفت الرئيس السيسي حسينا أننا بنشوفه لأول مره ومختلف عن التليفزيون، لأنه كان تلقائي وبسيط وبيضحك مع الناس كلها، وكان ماشي كأن مفيش حراسة وحسيت كأنه في بيته".

وأردف: "أهالي غرب سهيل استقبلوه بفرحة، والمسنين استقبلوه وفي ناس مبتخرجش من بيوتها خرجوا عشان خاطره استقبلوه"، مؤكدًا: "الرئيس السيسي فضل فترة طويلة ماشي بينا واستغربت الصراحة، لإني حسيت إني بشوفه أول مره في فرق بين التليفزيون ولما نتعامل معاه".

وأكد: "بلدنا كانت ايد واحدة ونسينا كل حاجه، عشان شفنا الرئيس، والناس كانت مبسوطة وفي بهجة وفرحة وكله مستني يشوف الرئيس السيسي وهو كان سعيد جدًا بينا وكان بسيط وسلم على الناس واحد واحد وفضل معانا أكثر من نصف ساعة".