فيديو- أحمد موسى يهاجم منتقدي إعلان مدينتي: "اشتغلوا واشتروا فيها"

كتب- محمود علي:

شن الإعلامي أحمد موسى هجوما لاذعا على منتقدي "إعلان مدينتي"، قائلا: "تنمر رهيب… ما تبوصوش للناس، اشتغلوا علشان ربنا يكرمكم وتشتروا فيها".

واعتبر موسى أن ما يحدث حملة ممنهجة لتطفيش الاستثمار، قائلا:"كأنهم عايزين يطفشوا الناس من البلد، حد بيبني ما تعملش حاجة، حد بيعمل شغل محترم لا ما تعملش".

ودافع عن هشام طلعت مصطفى قائلا: "من أكبر البنايين في البلد…. وفي عشرات ألوف من بيوت الناس مفتوحة، ومئات الملايين رواتب للناس، والناس دي بتعمل خير مش عاوز أقولكم".

ورفض انتقاد البعض للإعلان قائلا: "الإعلان عاجب بتوع مدينتي، أنت لية بتضايقهم وتتنمر عليهم إنهم ساكنين في مدنيتي، ما يسكنوا، الناس تعبت وشقيت برة وجوة".

وهاجم منتقدي البرنامج قائلا: "اشتغل وربنا يكرمك وتسكن في مدينتي، ولا الشروق… اشتغل منك له، وما تبوصوش على الناس، ربنا بيرزق كل واحد.. واحمدوا ربنا".

كان إعلان مشروع "مدينتي" تعرض لانتقادات واسعة عبر مواقع التواصل الاجتماعي، بسبب جملة: "الناس هنا كلها شبه بعض والـCommunity حلو أوي"، كما انتقد البعض مشاهد الإعلان واعتبروها من المبالغات.