تخليدًا لاسمه.. نادر شوقي مشيدًا بتغير اسم ملعب الجونة إلى "استاد خالد بشارة"- فيديو

كتب- محمد خميس:

علق نادر شوقي، المسؤول عن إدارة نادي الجونة، على تغيير اسم ملعب الجونة إلى "خالد بشارة"، قائلًا: "مهما اتكلمت مش هاقدر أدِّي خالد حقَّه، باشكر المهندس سميح ساويرس على تغيير اسم استاد الجونة، وده أقل شيء يتعمل تخليدًا لخالد بشارة".

وأضاف شوقي، خلال مداخلة هاتفية مع برنامج "مساء دي إم سي"، اليوم السبت: "خالد بشارة كان مجنون كرة، وأقل حاجة تتعمل له إن الاستاد يكون باسمه"، موضحًا: "مفيش حَد يعرف خالد إلا لمَّا فكَّر في الفكرة دي؛ لأنه قد إيه كان شاطر في شغله ويفيد الناس؛ لأنه كان عبقريّا في شغله، وأنا شُفت منه أنه بيحب الكرة أوي، وهوَّ اللي خلَّى الجونة في الدوري الممتاز".

وتابع المسؤول عن إدارة نادي الجونة: "أي حَد عرف خالد كان هيقترح القرار ده، والمهندس سميح وافق على كده، وكلنا بنشكره.. القرار طالع من كل واحد عارف خالد؛ لأنه كان عبقريًّا في حتته وكان بيتسلَّى بالكرة؛ لأنها كانت بالنسبة إليه حياة".