صاحبة واقعة "الزحف على السلم": "ابني بيعاملني كويس وطلعني للحج بدل المرة 10"
تطبيق مصراوي
لرؤيــــه أصدق للأحــــداث
كتب- حسن مرسي:
قالت الحاجة فكرية صاحبة واقعة فيديو الزحف على السلم بمحافظة الشرقية، والذي أثار غضب رواد مواقع التواصل الإجتماعي بعد اهانتها من نجلها: "ابني بيعاملني كويس وطلعني للحج بدل المرة 10".
وأضافت الحاجة فكرية، في مداخلة هاتفية مع الإعلامي رامي رضوان، ببرنامج "مساء dmc"، المُذاع عبر فضائية "dmc"، مساء الخميس: "أنا عايشة مع ابني ومفيش حاجة، الله يخربيت الفيديو وبيت اللي طلعه ..ابني أنا إللي مربياه وباكل وبشرب وعايشة معاه وكل حاجة بيقدموهالي".
ومن جانبه قال سعيد غنيم نجل السيدة والمتهم باهانة والدته: "الفيديو ده من سنة ووالدتي صعدت من الدور الأرضي للدور التالت فصورتها من أجل الهزار مع اخواتي البنات، وطلبنا منها نسندها ونساعدها في نزول السلم ولكنها رفضت وأنا كنت خايف عليها من صعودها للدور الثالث".
وأضاف: "أختي كانت معايا في الفيديو وقالوا عليها مراتي ولكن الحقيقة وأنا كنت بصور والدتي بدافع التهريج وهي كانت تضحك في الفيديو".
وتابع:" أنا كنت خايف عليها من طلوع السلم هي قاعدة في الأرضى واحنا كلنا بننزل نشوفها لأن طلوعها للسلم ممكن يتسبب في كسرها وأنا اللي هعالج وقتها".
فيديو قد يعجبك:
