"كاميرا البقال جابته".. والدة طفلة الزقازيق تكشف كيف استدرجها سائق التوك توك

كتب- محمد خميس:

قالت عزة إسماعيل والدة الطفلة ضحة التحرش بالزقازيق: "بنتي بتمشي وربنا عالم بها؛ لأنها معاقة وبتفرح باللي بيديها جنيه أو 2 جنيه، وصاحب التوك توك اللي اتحرش بها ضحك عليها بـ5 جنيهات، وخدها من إيديها ودخلها شارع ضلمة وصرخت".

وأَضافت عزة، خلال مداخلة هاتفية مع برنامج "يحدث في مصر" المذاع عبر فضائية "إم بي سي مصر"، اليوم الأربعاء: "حَد من الجيران بتنشر هدوم، شافتها وصرخت، وعلى ما الناس جَت تجري هوّ جري، وماعرفناهوش إلا من الكاميرا اللي عند البقال"، موضحةً: "بنتي بتاعت ربنا وغلبانة، ويا بخت اللي يطبطب عليها، والحمد لله ربنا سترها عشان احنا غلابة وهي غلبانة وطيبة".

وتابعت والدة الطفلة: "المتحرش اتعرفنا عليه، وطلع من العزبة عندنا بس من الجهة التانية".