أديب ساخرًا: لولا "محمد بيه" لنجحت مظاهرات 25 أبريل "المعارضة" - فيديو

كتب- حسن مرسي:

أشاد الإعلامي عمرو أديب، بالتعامل الأمني مع مظاهرات 25 أبريل، المعارضة لإتفاقية ترسيم الحدود البحرية بين مصر والمملكة العربية السعودية، والتي تخص السيادة على جزيرتي تيران وصنافير، قائلًا: "محمد بيه بتاع قسم الهرم عمل شغل زي ما الكتاب ما بيقول، يعني ايده تتلف في حرير، مسابش حاجة في كتاب "إزاي فشل مظاهرة" إلا وعملها، ده لازم يتم تكريمه.

وأضاف "أديب"، خلال برنامجة "القاهرة اليوم"، والمُذاع عبر فضائية "اليوم": "اللي كاتب الخطة بتاعة اقفل الشارع والقبض على العيال من أول امبارح ومنع خروج المظاهرات من الأحزاب يعني تسلم ايده الدبلتين والأسورة ، محمد بيه عمل شغل عالي مفيش مظاهرة كملت 10 دقايق ولا مسيرة كملت أكتر من ربع ساعة، يعني مكنش في أي مظهر من مظاهر الاحتجاج، من الآخر محصلش جملة مفيدة".

واستطرد قائلًا: "محمد بيه عمل حاجة غريبة النهارده يعني محدش لاحظ وجود الأمن أو الجيش في شوارع القاهرة، يعني وجودهم مكنش واضح وقوي، إلا بالقرب من الأماكن اللي فيها تخوف زي نقابة الصحفيين.