معتز عبدالفتاح: "لو اتزنقت وأخدت فلوس من مرشح انتخب واحد غيره"

كتب - شريف أيمن:

طالب الدكتور معتز عبدالفتاح، أستاذ العلوم السياسية بجامعة القاهرة، المصريين بالمشاركة في الانتخابات البرلمانية، وعدم مقاطعتها.

وقال عبدالفتاح- خلال تقديم برنامجه "٩٠ دقيقة"، الذي يذاع عى قناة "المحور"- اليوم الخميس: "أرجوكم شاركوا، بصوا لو نسبة أي فصيل نسبته في الشارع 5 % وأنت مروحتش، ممكن تبقى قوته 40%، انزلوا شاركوا في الانتخابات، عشان كل واحد يبقى قد حجمه".

وأضاف: "لو اتزنقت وخدت فلوس من واحد روح وصوت لغيره، وشعار المرحلة (انصب على النصاب)، رغم أني رافض من الأساس إنك تأخد فلوس عشان تنتخب".

وتابع: "لا تُعطي صوتك لرجل يتاجر بالدين، أو بالمال، أو لشخص يتاجر بالقبيلة والحسب والنسب"، متابعا: "إحنا عاوزين واحد متدين مش بيتاجر بالدين".