بالفيديو| خالد الجندي: ١١ وصفاً يؤكد مشقة سيدنا موسى لدفع أغلى مهر في التاريخ

كتب- محمد قادوس:

قال الشيخ خالد الجندي، عضو المجلس الأعلى للشئون الإسلامية، إن البعض يشكك ان أغلى مهر فى التاريخ كان لسيدنا موسى عليه السلام، بخدمته ١٠ سنين، في مشقة وتعب، لافتا إلى أن كل التفاسير اجمعت على أن سيدنا موسى أتم ١٠ سنين كمهر لزوجته.

وتابع الجندي، خلال حلقة برنامج "لعلهم يفقهون"، المذاع على فضائية "dmc"، أمس الأربعاء: "يطلع واحد يقولك ده مش أغلى مهر، أغلى مهر كان بتاع الروميساء، لأن مهرها كان أن زوجها اسلم، ده مش أغلى مهر ولا حاجة ده خدها ببلاش، مش عشان اسلم، لو هنزايد على بعض يبقى أغلى مهر دفعه سيدنا النبى محمد صلى الله عليه وسلم، اختارته السيدة عائشة لاخلاقه، وانك لعلى خلق عظيم، يا صاحب الرسالة معاك للصبح لو العملية وعظ".

استكمل: "أنا اقصد إن أغلى مهر فى العناء والمشقة، ويطلع واحد يقولك ده لو هياخد فى الشهر ١٠ آلاف جنيه، يبقى المهر كله مش هيكمل مليون و١٠٠ ألف جنيه، ربنا ما يحكمكم فى شيخ ولا نبى، بقولك الراجل اشتغل ١٠ سنين أشغال شاقة، والناس عندها جرأة بدون علم".

وفند الجندي أسباب أن سيدنا موسى، قضى ١٠ سنين أشغال شاقة، قائلا: "من أهم مراجع القصص القرآنى فى العالم، ولقد موسى ١٠ سنين من حياته فى البر والصحراء يتابع الاغنام يتعرض للحر والريح والنصب، وما يبذل من الجهد المشقة والمعاناة، اهو ١١ وصف لمشقة سيدنا موسى، يعنى انت هتتزوج وتعيش فى المشقة والتعب ده لمدة ١٠ سنين، وتقولى فى أغلى من كده مهر ".