"شتمت الممرضات وضربتهم".. أطرف مواقف السيدات أثناء الإفاقة من بنج "الولادة"

كتبت-فاطمة خالد:

عندما يكون الشخص تحت تأثير البنج، ومع الإجهاد الذي يشعر به المريض، خاصة بعد عمليات الولادة، قد تخرج بعض التصرفات غير المتوقعة والطريفة.

ورصد لكم موقع "مصراوي" بعض المواقف التي رواها بعض رواد موقع التواصل الاجتماعي "فيسبوك". 

تقول "إيمان": "أنا كنت بولد، وواخدة بنج ولسه هروح في النوم، لقيت الدكتور ماسك المشرط روحت قولت له، اوعى تشق أنا لسه صاحية، فقعد يضحك".

كتبت "ريهام": "أنا قعدت اشتم الدكتور والممرضات، من كتر تعب الولادة، واقعدت اصرخ واقولهم هاتولي جوزي، وأول ما فوقت أمي قالتلي كسفتينا".

وذكر حساب يسمى "أنا ساد": "أنا كنت عماله اضرب أي حد يقرب مني وعمالة اشتم، وأول ما خرجت كنت قعدت اكلم جوزي عادي ولا كأنه حصل حاجة". 

وقالت "صابرين": "أنا بقى  وأنا بولد ابني الكبير، قبل ما فوق قعدت أشتم العيله كلها، وقولت لسِلفي -شقيق الزوج- لما قالي بيقولوا ابني شبهك، فرديت ده لو شبهك هرميه".

وذكر حساب باسم "هنونه": "أنا لسه والدة بقالي شهر، وكنت واخدة بنج كُلي، واللي وصلتني للمستشفى جارتي، وأنا ما بحبهاش، وقعدت أقول وأنا في البنج أنا ما بحبش "شيماء"، أنا بكرهها، وهي قاعدة، وبعد ما فوقت قعدت أعتذرلها".