بدون عمليات أو "دايت".. سيدات يروين لـ"مصراوي" كيف خسرن 50 كيلو

رقية علي 17 سنة (من 120 إلى 84 كيلو)

"بدأت الرياضة عشان كنت حاسة إن شكلي وحش ومش بلاقي لبس، أهلي كانوا ديما يقولولي إني مش هخلف، بسبب جسمي، ونفسيتي كانت دايمًا وحشة".

"بصراحة فكرة أعمل عملية، بس لأن عندي الضغط والسكر منفعش أعملها، فروحت لدكتور وبدأت أعمل دايت، لكن قبل ما أبدأ باسبوع اشتريت الأكل اللي نفسي فيه وأكلته".

"أنا مشتركتش في جيم، لأن الأسعار غالية، فاعتمدت على المشي ساعة في اليوم، والرقصك كمان، وخسيت أول 12 كيلو في شهر واحد".

"لما كنت بحس إني نفسي في أكلة معينة أو حلويات، كنت باكلها كوجبة غدا، عشان محس إني حارمة نفسي من حاجة، ومش بروح السوبر ماركت، وساعات كتير بنزل اشتري بكل فلوسي لبس علشان أجبر نفسي أكمل حتى لو هاكل ملح وعيش".

"فرحتي بخسارة الوزن، زودت إصراري جدا، ومحستش باكتئاب الدايت، وكنت بكافيء نفسي برضو، أنا كسبت حاجات كتير، أولها شكلي وصحتي ونفسي".