سفرة اليوم: التمر هندى والمقلوبة والحلو كيكة البلح

الطبق الرئيسى: المقلوبة

وقت التحضير : 35 دقيقة
وقت الطهي : 15 دقيقة
الوقت الكلى : 50 دقيقة
عدد الاشخاص: 6

المقادير

• 2 x كوب أرز عادى
• 2 x عدد حبهان
• 2 x عدد ورق لورا
• 1 x عدد بصلة (متوسطة لسلق اللحم)
• 1 x عدد بصلة (مقطعة شرائح)
• 1 x كيلو باذنجان (رومى)
• 1 x معلقة صغيرة ملح (أو حسب الرغبة)
• 1 x كيلو لحمة (يفضل بالعظم)
• ½ x معلقة صغيرة كركم
• ½ x معلقة صغيرة فلفل اسود مطحون (أو حسب الرغبة)
• ¼ x معلقة صغيرة قرفة

الخطوات

1. نغسل الباذنجان ونقطعه شرائح سميكة ويرش عليه ملح ويترك في مصفاة.
2. نرفع اناء علي النار و نقلب فيه البصل لمدة دقيقة و نضيف اللحم ونقلبه لغاية ما ياخد لون.
3. نضيف ماء لسلق اللحم و نتبل بالبهارات و نتركه علي النار حتي ينضج.
4. نقلي الباذنجان في الزيت ويترك علي ورق مطبخ يمتص الزيت الزائد.
5. نقلي شرائح البصل في الزيت ونخرجه ونصفيه في مصفاة.
6. نغسل الارز جيدا و في اناء نضع ملعقة زيت و نرص الباذنجان في القاع وعلي الجوانب وبعدين نرص فوقه البصل المقلي.
7. و الطبقة التالتة قطع اللحم والارز المغسول المضاف له رشة كركم ورشة قرفة هيكون اخر طبقة
8. نصب المرق علي مراحل وبهدوء ونرفع الكل علي النار حتي يتشرب الارز ويترك على نار هادئة حتى ينضج.
9. عند التقديم يقلب الاناء علي طبق التقديم و ممكن يزين بالمكسرات حسب الرغبة وبالهنا والشفا.