هشام عاشور عن نيللي كريم: "هتفضل حبيبتي عشان العشرة اللي بينا"

تحدث الفنان ولاعب الاسكواش السابق هشام عاشور، عن علاقته بالفنانة نيللي كريم بعد طلاقهما.

وقال عاشور، ببرنامج "تفاصيل" المذاع على قناة صدى البلد 2: "هتفضل حبيبتي طول عمرها، عشان العشرة اللي بينا، واحنا ماسيبناش بعض بسبب كارثة".

وأضاف: "احنا قررنا ناخد طريق مختلف لكن هنفضل أصدقاء وده كلام مفروغ منه، ومش كل الناس اللي بتطلق الحب بينتهي، في حاجات ممكن تكون اختفت والناس بيكون لسه بينهم معزة كبيرة عند بعض، لكن مش لازم إن كل اتنين بيطلقوا يبقوا كرهوا بعض ومش عايزين يشوفوا بعض، لكن بيحصل تقصير في بعض الأمور وكان واضح أننا هنوصل لطريق الانفصال".