"خطأ غير مقصود"..رسالة من البلوجر صاحب واقعة تصوير أحمد شيبة بالطائرة نائما

كتب- هاني صابر :

وجه البلوجر ياسر أحمد، اعتذارا للمطرب أحمد شيبة بعد إعلان حودة شيبة نجل الأخير رفع والده قضية ضده بعد تصويره نائما داخل الطائرة.

وكتب ياسر، عبر "ستوري" حسابه على إنستجرام، تعليقا على هذا الأمر: "الصورة غير مقصودة، احنا دايما بنتصور بالشكل ده على مدار السنين، واحترامنا الكامل للفنان وان كان فيه خطأ غير مقصود فأنا بعتذر للفنان أحمد شيبة ..كل الحب والاحترام منا".

وكان حودة نجل أحمد شيبة، قال في لايف على "تيك توك": "فيه محامي خليناه رفع قضية على البلوجر المشهور هو وزوجته الشهيرة، لأنها مش جدعنة أن حد يتعدي على خصوصية أي شخص.. انت نزلت الصورة عندك على السوشيال ميديا والموضوع ممكن تشوفه مضحك بس هو مش كده خالص، لأنك تعديت على الخصوصية ومش جدعنة ولا رجولة.. المحاميين اللي شغالين معانا في المكتب خدوا الموضوع بجدية إزاي شخصية عامة يتصور وهو نايم".

يذكر أن، آخر أعمال أحمد شيبة أغنية "شايف نفسك وصلت لإيه" من كلمات محمد الشاعر وألحان خالد سلطان وتوزيع مصطفى أبو رية.