فيفي عبده عن عدم مشاركتها محمد رمضان أي عمل: "السوق عرض وطلب وأنا مش ناقصني حاجة"
فيفي عبده ومحمد رمضان
تطبيق مصراوي
لرؤيــــه أصدق للأحــــداث
كتب- مروان الطيب:
حلت الفنانة فيفي ضيفة ببرنامج "ET بالعربي" وتطرقت خلال حديثها عن علاقتها بعدد من نجوم الوسط الفني أبرزهم الفنان محمد رمضان، وعن الأسباب وراء انتقاد البعض له وتحقيقه ثروة طائلة في وقت قصير.
وتحدثت "فيفي" عن "رمضان" قائلة "هو عمل أعمال ولم الثروة دي من ورا الأعمال والسوق عرض وطلب عايزينه خلاص مش هتقدر انت تقف قدام الرزق اللي جاي واللي بيحصل يمكن يكون رضا أبوه رضا أمه ممكن يكون عامل حاجات احنا منعرفهاش، ربنا بيرزقه ومنقدرش نقول رزقه ليه لكن عنده أخطاء لا شك أن كل بني آدم عنده أخطاء".
وعن عدم عملها مع محمد رمضان بأي عمل فني حتى الآن قالت "السوق عرض وطلب ومش لازم كل الناس تشتغل مع محمد رمضان لكن لو فيه دور يناسبني معاه هعمله مع رمضان أو أي حد من الفنانين وأنا عاملة 25 فيلم وعاملة 30 مسلسل وعاملة 13 مسرحية يعني مفيش حاجة نقصاني أو حاجة أنا نفسي أعملها، أنا نفسي أعمل حاجة مكنش عملتها قبل كده".
يذكر أن أخر أعمال فيفي عبده الفنية كان عام 2022 بمسلسل "شغل في العالي" بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.
View this post on Instagram
فيديو قد يعجبك:
