حسن يوسف عن سعاد حسني: "أعتقد إنها اتقتلت وزعلت عليها قوي"

حضر الفنان حسن يوسف ندوة تكريمه والتي أقيمت اليوم في قصر السينما

وكشف حسن يوسف رأيه في قضية مقتل سعاد حسني وقال: " أعتقد إن سعاد حسني اتقتلت مش انتحرت هي اتقتلت في الشقة قبل ما تترمي ادوها حقنة توقف قلبها مثلا.. روحنا لندن نزور ابننا محمود ومن أهداف الرحلة إن شمس تقنعها بالرجوع وكانت بدأت تخس وينزل وزنها، وكان عندها العصب السابع، وبعدين سمعنا إنها اترمت".

وأضاف: " كانت بتستعد إنها تيجي وترجع.. الله يرحمها زعلت عليها قوي وكنت بعتبرها زميلة تختة الله يرحمها كانت موهبة كبيرة قوي".

واستكمل: " لحظات السعادة كانت قدام الكاميرا ولكن كانت في حياتها تعيسة وكل زيجاتها كانت فاشلة وأنا كنت زي أخوها وتكلمني الساعة 2 بليل تقولي إلحقني صلاح كريم هيموتني.. وأنا أنزلها".