البلوجر فرح هريدي: "طلعت في فيلم تامرحسني كومبارس ومكنتش أعرف"- فيديو

كتبت- بهيرة فودة:

أعربت "البلوجر" فرح هريدي عن استيائها من ظهورها كـ كومبارس في فيلم "تاج" بطولة الفنان تامر حسني، مؤكدة أن الأمر تم دون علمها وعلى عكس الاتفاق الذي تم بينها وبين صنّاع العمل.

وقالت فرح في فيديو، عبر حسابها الرسمي بموقع "فيسبوك": "آه أنا طلعت كومبارس في فيلم تامر حسني الجديد، اللي كلمونا قالوا إن تامر حسني عايز يعمل فيلم جديد وعايز يتواصل معانا وكان في المقابل إننا هنعمل فيديوهات عندنا".

وأضافت فرح: "قالولنا مافيهاش فلوس دا يوم حبي كدا، تامر حسني هيجي بنفسه مش هياخد فلوس، كل دا طلع أي كلام".

وتابعت: "روحنا لاقينا موديلز وناس كتير، وبعدين قالوا أوقفوا كدا علشان هنصور، وبدأنا نركز إنها جوا الفيلم، بدأنا نتضايق بس قولنا هنخلص وندخل نصور فيديوهاتنا احنا، وصورنا ساعتين".

وأكملت فرح: "بعد ما خلصنا جابولنا تامر حسني وقالوا يلا علشان نتصور ونمشي، وكل واحد اتصور معاه صورة".

يذكر أن الفنان تامر حسني يُعرض له حاليا فيلم "تاج" بدور السينما.

فيلم "تاج" بطولة الفنان تامر حسني، الفنانة دينا الشربيني، الفنانة هالة فاخر، تأليف تامر حسني، إخراج سارة وفيق.

يذكر أن أخر أعمال تامر حسني فيلم "بحبك" وشارك في بطولته هنا الزاهد، حمدي الميرغني، مدحت تيخة، هدى المفتي، أحمد عزمي، وتميم عبده، وغيرهم.

لمشاهدة الفيديو اضغط هنا