رسائل متبادلة بين ميارالببلاوي ومتابعة بشأن أزمتها مع وفاء مكي

وقعت رسائل متبادلة بين الفنانة ميار الببلاوي واحدى متابعاتها على موقع التواصل الإجتماعي "فيسبوك" بشأن أزمتها مع الفنانة وفاء مكي.

وقالت إحدى متابعات ميار الببلاوي، عبر "فيسبوك"موجهة حديثها لها: "انتي قلتي اللي عندك أول مرة ليه تاني يوم تطلعي تقولي دي مجرمة أنا قريت التحقيق وعرفت كل حاجة وكلامي في الأول كان كلام مرسل.. طالما في كل الأحوال ما شوفتيش بعينك حاجة كنتي تقولي اللي عندك وتسكتي بدون اتهامات انها فعلا مجرمة.. يعني انتي ماشوفتيهاش بعينك بتعذب حد وأكيد طالما خدت حكم يبقى الورق كان متستف ضدها فعلا ومش محتاجة فقاقة عشان تقولي أصلي ما كنتش قريت التحقيق في الأول.. ربنا ينصرها وينصر كل مظلوم".

وردت ميار الببلاوي على رسالتها، قائلة: "أنا استندت لاستنتاجات أولها جواب اللي لقيت إن أبو ابني كتبه علشان كان خايف أرجع الوسط وعلشان أرضى أرجع معاه بلده سوريا، وثانيها جارتها مدام هدى سليمان اللي حكتلي الصويخ اللي كانت بتسمعه ورابعها شاهد العيان اللي أقسم انه شاف وناس بالهبل كلموني بعد عرض الحلقة خليت المستشار بتاعي جاب كل الحيثيات وناقشناها بالتفصيل وعرفت إن القضاء عادل واني كنت فاهمة غلط تماما هل استمر وأسكت وابرء مذنبه واخد ذنب البنات حاشا لله".

وفي الرسالة الثانية التي وجهتها متابعة ميار الببلاوي لها، جاء فيها: "طب هو على كل كلامك برضو سواء هي مذنبة أو مش مذنبة فكله ناس بتقولك وبتحكيلك يعني برضو انتي ما شوفتيش أي حاجة بعينك..أقله أول مرة اتكلمتي كنتي شوفتي البنات فعلا.. الواحد يخرج نفسه من الحكم على الناس سواء مذنبين ولا مش مذنبيين ويقول اللي شافه بعينه وبس".

وردت ميار الببلاوي، قائلة: "شفتهم قبل القضية بـ ٤٣ يوم ومعرفش عنهم أي حاجة بعد ما مشيوا فيه فنان اسمه سيد زيان قال إن شاف بنت في التصوير قبل القضية بيوم ومتاخدتش بشهادته اكتبي شهادة سيد زيان مع منى الشاذلي أو شوفي حلقة علامه استفهام اللي أنا طلعت فيها".

وجاء في الرسالة الثالثة التي وجهتها متابعة ميار الببلاوي: "والله لو مظلومة فعلا فربنا يبرأها وينصرها ولو مش مظلومة فما أعتقدتش إن في واحدة مش مظلومة هتحب تفتح الموضوع تاني .. يعني سمعنا عن فنانات اتسجنوا ورجعوا لحياتهم الطبيعية تاني ولشغلهم تاني لكن هي ما حصلش معاها كده وحياتها باظت فعلا فأكيد كان في حد من مصلحته ده.. ربنا يتولاها هي وابنها برحمته".

وكانت الفنانة ميار الببلاوي كشفت مؤخرا ببرنامج "صبايا الشمس" أسرارا عن علاقتها بالفنانة وفاء مكي والتي قضت قرابة الـ10 سنوات بسبب اتهامها في قضية تعذيب خادمتها.

وأكدت أنها رأت الفتاة التي كانت وفاء متهمة بتعذيبها في الوقت الذي تركت فيه بيتها، ولم تكن مُصابة بأي حروق، وتابعت "أنا كده لو مت أبقي مرتاحة بعد شهادتي دي، والبنات لما وصلولي بعد ما مشيوا من عند وفاء علي طول شفتهم ومكانش فيه أي حرق بس مكانش ينفع أتكلم أو أقول حاجة وقتها وجوزي منعني وبعد أقنعته وخلاص هروح جات لي رسالة تهديد بذبح ابني لو شهدت مع وفاء".

ميار الببلاوي ممثلة شاركت في بطولة عدد كبير من الأعمال الفنية، قبل ارتداء الحجاب، وتقدم حاليا برامج تهتم بمناقشة قضايا دينية واجتماعية.