منال سلامة عن ابنتها الفنانة الشابة أميرة أديب: "علمتها تقعد على طبلية"

كشفت الفنانة منال سلامة، عن تفاصيل في حياتها الشخصية ووالدها، ونجليها علي والفنانة الشابة أميرة أديب.

وقالت منال، ببرنامج "الراديو بيضحك": "أميرة بقت مشهوره أكتر مني، هي شاطرة وموهوبة وعملت كل حاجة من نفسها ومن صغرها متعبتنيش".

وتابعت منال عن نجليها أميرة وعلي: "لما درسوا برا مصر كان مصروفهم محدود جدا، كانوا بيشتغلوا وهما طلبة، ابني كان بيشتغل بيقطع شجر ويشيله، وأميرة كانت بتنزل تعلم رقص وتاخد 50 جنيه".

واستكملت: "أنا أبويا رباني على اني إنسان مش بنت، مفيش فكرة الولد والبنت، أنا كنت البكرية وكان بياخدني معاه على القهوة، أنا تربيت بكره كلمة راجل أنا إنسان، وربيت أميرة وعلي على كده، اتربوا على نفس القيم والمبادئ، أميرة بتسافر بالشهر وتقعد في أماكن بـ3 دولار في اليوم، مرة حجزت في مكان واتنصب عليها ونامت على البحر".

وأضافت: "أميرة بتحب السفر في حاجات بتجهزها وحاجات بتسافر على باب الله، أنا سيباها تعتمد على نفسها أنا بربيها على أني مش عايشالها طول العمر، وأنا ربيتهم يعيشوا في مستوى بسيط ومستوى عالي، يقعدوا على الطبلية ويتعاملوا مع الناس بمنتهى البساطة ولو تواجدوا في مكان 7 ستار تتعامل بنفس الطريقة".

يذكر أن، منال سلامة تشارك في بطولة مسلسل "الأصلي" الذي يعرض عبر قناة dmc ومنصة watch it.

المسلسل من تأليف أمين جمال، وإخراج أحمد حسن، ويشارك في بطولته ريهام عبد الغفور وحمزة العيلي وفتوح أحمد،وإيناس كامل، وشاهيستا، وأحمد جمال وعدد كبير من الفنانين.