"لسه معملتش الرقم القياسي".. ماذا قالت رانيا يوسف عن زيجاتها؟

تحدثت الفنانة رانيا يوسف، عن زيجاتها في حياتها ومدى امكانية تكرار الزواج مرة أخرى بعد التجارب السابقة التي مرت بها في حياتها.

ونستعرض لكم ابرز ما قالته رانيا يوسف عن زيجاتها ببرنامج "العرافة" في السطور التالية:

ندم رانيا يوسف عن زيجاتها
"تمنيت لو لم أتزوج للمرة الثانية والثالثة، وللأسف فشلت في الجوازات، وفيه زميلات فشلوا في 5 و7 جوازات، أنا لسه معملتش الرقم القياسي بتاعهم".

زواج رانيا يوسف الثاني
"لما اتجوزت زوجي الثاني بعد أبو بناتي كانت نيتي معاه كويسة جدا وكنت شايفاه كويس جدا بس للأسف اتخدعت فيه ومفيش جوازة اتجوزتها كان فيها الراجل غني وأنا مش بتاعة فلوس ومش هتجوز راجل غني وطليقي المنتج محمد مختار مكنش غني ولا حاجة".

الزيجة الثانية والثالثة لرانيا يوسف
"الزيجة الثانية والثالثة كانوا لأسباب شخصية لما حصل الإنفصال بيني وبين محمد مختار خفت على سمعتي وكلام الناس وعندي بنات وأنا لسه صغيرة وكان فيه إلحاح من أهلي اني لسه صغيرة ولازم تتجوزي بس وقفت العداد عند الجوازة الثالثة".

موقف رانيا يوسف من الزواج مرة أخري
"أنا مش هتجوز تاني لأن الجواز عايز عقل وأنا مش طول الوقت هشغل عقلي في كل جوازة".