"قسط الفيلا ولا الشاليه".. تصريحات رانيا يوسف عن معاناتها مع الأقساط تثير سخرية الجمهور

أثارت الفنانة رانيا يوسف، جدلاً كبيراً بعد انتشار تصريحاتها الأخيرة حول معاناتها مع الأقساط.

وتفاعل عدد كبير من رواد منصات التواصل الاجتماعي، مع تصريحات رانيا الأخيرة، وتنوعت التعليقات بين الساخرة، والمنتقدة لفكرة وجود أقساط على فنانة شهيرة

وجاء من التعليقات: "بالمناسبة رانيا يوسف مش كدابة هي فعلاً عليه أقساط والدنيا غالية عليها فعلاً.. بس هي مقالتش أقساط إيه العربية الجديدة موديل السنة ولا قسط الفيلا ولا قسط الشاليه ولا مصاريف آخر رحلة لأوروبا "، و"تراني تأثرت.. قطعتي قلبي بكلامك ومعاناتك يا فنانة مع الفساتين".

وعلق آخر: "لما يبقي إنتي حياتك أقساط يبقى إحنا على كده إيه"، و"معلش يا فنانة ده حال الدنيا"، و"ربنا يعينك"، و"أقساط الفلل والعربيات يا حبيبتي مش أقساط للأكل"

وجاء من تصريحات رانيا يوسف، خلال استضافتها بإحدى البرامج عبر "يوتيوب"

- مش بحب التليفون خالص.

- أكتر جواب مهم في حياتي من بنتي.

- كتبت جواب لفتى أحلامي وقولته أنا بحبك أوي، وكان عمري 17 سنة وبعدها ذلني بسببه.

- كنت في مدرسة راهبات.

- اتفصلت من مدرستي 10 أيام

- مش بحب حد يسألني بتاخدي كام.

- مفيش راجل بيقع في الحب

- الراجل والست لما بيحبوا بجد الدماغ بتتلغي.

- عندي نوته للحاجات الصحية.

- وصفة صحية مفيدة: مياة وخل تفاح، ليمون

- حياتي كلها أقساط من أول ما أبتديت ومش بتخلص، وبرتاح لما بدفعها.

- الفستان اللي بلبسه مش بعرف ألبسه تاني.

- أنا مش بعمل فوتوشوب.

- بحب وش منى زكي، يسرا اللوزي، هند صبري

- كان حلم عمري أني أبقى أم.

- برفض التصوير في العزاء والمستشفى.

- أنا مش بعرف نوايا البشر بس بحسها