خالد النبوي يروي موقفا له مع نور الشريف
الفنان خالد النبوي
تطبيق مصراوي
لرؤيــــه أصدق للأحــــداث
كتب - مروان الطيب:
حل الفنان خالد النبوي ضيفًا على برنامج "Sold Out" تقديم الإعلامي محمود سعد ويذاع عبر قناة "CBC" ويستضيف خلاله أبرز النجوم في كافة المجالات الفنية والاجتماعية والرياضية.
وتحدث "النبوي" عن بدايته وعن لقائه بالراحل نور الشريف وعن علاقته بالوسط الفني وعن دخول ابنه نور مجال التمثيل وعن مشاريعه خلال الفترة المقبلة إلى جانب التفاصيل الخاصة بحياته الشخصية.
وحرص "النبوي" على دعم الشعب الفلسطيني في محنته بكلمة في بداية البرنامج، قائلا: "قبل ما نتكلم عن الفلسطينيين لازم نحط نفسنا مكانهم، ونشوف مين فينا يقدر يستغنى عن ضناه ويوهبه فداء لقضية هو مؤمن بيها من 75 سنة".
وعن علاقته وذكرياته مع الراحل نور الشريف، قال: "مش سهل أبدًا تبقى نور الشريف، ونور أنا دخلت المكتب بتاعه كان في رمسيس وشوفت الـ 22 جزء بتاع كتاب قصة الحضارة وهو كان بيعمل لنا لقاء وقتها عشان كان عنده فيلم عايز فيه شباب صغير من معهد فنون مسرحية".
وأضاف: "لما شوفت هو بيتعامل مع الكتاب إزاي ومجلد إزاي فأنا قولت أنا عايز يبقى عندي الكتاب ده أو الموسوعة دي وفعلا جبتها.. نور الشريف اللي قالي لازم تستمر الاستمرارية هي أساس السينما أوعي تبعد حتى لو عندك فيلم مش حلو وتختار بينه وبين أنك تقعد في البيت لأن وأنت بتشتغل هيجيلك اللي هيعجبك".
يذكر أن، خالد النبوي تعاقد مؤخرًا على بطولة فيلم "إمبراطورية ميم" والمقرر عرضه ضمن موسم رمضان 2024.
View this post on Instagram
فيديو قد يعجبك:
