عمرو محمد علي: "زوجتي تخلت عني وابنتي لا تزورني"

كتب- هاني صابر:

قال الفنان عمرو محمد علي، إن بعض الفنانين زاروه بعد مرضه لكنه كان محرجا من إعلان مرضه.

وتابع عمرو، ببرنامج "واحد من الناس": "أنا طلقت أم بنتي علشان لا أظلمها، ويمكن هذا هروب وأنا كنت بحبها أوي ومرضيتش أتعبها معايا عشان كان هيبقى صعب عليا".

وعقب هاني شقيق عمرو محمد علي: "قول الحقيقة يا عمرو إن زوجتك هي من تخلت عنك بعد مرضك ولم تتحملك في مرضك".

وتابع عمرو: "لم أستطيع أن أضغط عليها، وأنا متكفل بمصروف بنتي إلى الآن وللأسف بتيجي تاخد مصروفها فقط، وتذهب وتمشي ومش بتزورني، وأنا قولت لبنتي وهي عندها ١٨ سنة دلوقتي، انتي جاحدة وداين تدان وبتيجي تاخد مصروفها وتقعد نص ساعة وتمشي".

وأضاف هاني شقيق عمرو، أن المرض الذي يعاني منه "عمرو" له هجمات عصبية مميتة، وكان هناك دكتورة مهتمة بحالته جدا في مستشفى القصر العيني، وكان بياخد حقنة بتريحه لكنها توقفت من سنة ٢٠٢٠ وحالة عمرو الآن في النازل".