بعد فيديو "الكلب".. هندية: أنا رقاصة بس شريفة

شريفة

كتبت- مارسيل نظمي:

أثارت الراقصة هندية الجدل على مدار اليومين الماضيين، وذلك بعد انتشار فيديو لها، تقوم فيه بإلقاء كلب مصاب في الشارع، تبين بعد ذلك أنه كلبها الشخصي، تعرض لإصابة في قدمه.

وظهرت في فيديو لايف، ترد فيه على المنتقدين، وانهالت على من هاجموها بهجوم مماثل، وهددتهم باللجوء إلى القانون لمقاضاة أشخاص بعينها بتهم السب.

وهذا أبرز ما جاء على لسانها في الفيديو اللايف:

- في فيديو منتشر وأنا بنزل الكلب بتاعي من العربية.

- عندي بيت في أكتوبر وجنينة صغيرة فيها غفير ومن فترة مروحتش، وبالصدفة رحت لاقيت الكلب بتاعي تعبان، وجيت على بيتي في شقة ماينفعش أسيب الكلب فيها عشان تعبان

- سيبته في ميدان، وقولت لولد أصم خلي بالك منه هطلع أغير وأصلي، وأوديه المستشفى.

- لما نزلت قالي في ناس خدوه بتوع الرفق بالحيوان.. بكره هجيبلك تليفوناتهم وتتواصلي معاهم، واتفقت معاه بالإشارة.

- طلعت البيت لاقيت حملة من ناس بيتكلموا عن الرحمة.. أنهي رحمة.. وسبوني بألفاظ لا تمت بصلة بالرحمة.

- فرقوا الفيديو على مصر كلها وعلى العالم كله.

- أنا إسمي هندية.. رقاصة آه بس أشرف من أي واحدة.

- ودول شوية معدومين الأخلاق والرحمة.

- أخدت سكرين شوت وهرفع قضية وكلمت المحامي ودي بيعاقب عليها القانون.. وهجيبلكم حبس إن شاء الله.

- رميت الكلب بتاعي في الشارع.. أنا حرة.. هل معنى كده يديكي الحق تسبني بأمي وأبويا؟.

- مقدرش أحطه في حوش العمارة بيشتكوا.

- وبعدين أنا حرة.. أنا رميت الكلب.. هي دي حاجة مشينة ووصمة عار؟.

- مش من حقكم تسبوني.. أنا حرة اسيبه في الحتة اللي تناسبني.. واللي هعرف بيتها هاجيلها اضربها.

- كلنا خدامين في بيوتنا.. والخدامين على راسي من فوق.

وكانت تعرضت الراقصة إلى هجوم حاد، بعد نشر الممثلة والمذيعة السورية سارة نخلة، مقطع فيديو، ظهرت فيه "هندية" وهي تُنزل كلب عاجز عن الحركة، من سيارتها لتتركه في الشارع وترحل