ويجز: مش كل المصريين بيفهموني.. والتمثيل شغلانة حلوة بس مرار

كتب- عبد الفتاح العجمي:

قال مغني الراب ويجز، إنه يعلم أن البعض لا يفهم كلمات أغانيه، موضحا: "مش كل المصريين بيفهموني، لكن في ناس عاشت اللي أنا عشته والزمن عمال يتغير، يعني الناس اللي عندهم 50 سنة أسلوب حياتهم مش نفس الحالي، والعالم كله حاليا شكله غريب".

وحول رأيه في التمثيل؛ قال ويجز، في حوار عبر قناة "رؤيا" الأردنية: "شغلانة حلوة بس مرار.. التمثيل مش سهل كشغلانة بتاخد من جسمك ومن عقلك، أنا بحب أمثل وأبقى في مود تعالى نصور 90 يوم والكلام ده، أنت بتعرف الناس على حقيقتها في التصوير، معنديش مشكلة في ده، لكن أنت فعلا لازم تبقى واكل ونايم كويس وغيرها، لكن المغني جميل بيطلع ساعتين يغني ويروح".

وعن الفرق بين الماضي والحاضر بالنسبة له؛ قال: "اتغيرت جدا، أنا كنت زمان بقول أي حاجة ومكنش عندي أي مشكلة، دلوقتي أنا مسئول عن تصرفاتي، الناس فكراني كبرت ومضطر أتعامل مع الوضع ده".

وفي 25 أغسطس الماضي، طرح مغني الراب ويجز أحدث أغانيه "أميرة"، عبر قناته بموقع "يوتيوب".