فيفي عبده: "التجارة مع الله سر حب الناس لي"

كتبت- بهيرة فودة:

قالت الفنانة فيفي عبده، إن سر حب الناس لها هو التجارة مع الله.

وقالت فيفي عبده، خلال لقائها ببرنامج "صباح العربية": "سر حب الناس لي هو التجارة مع الله، وده حب من الله وحب أمي وأبويا وأنا طول عمري تحت جزمتهم".

وتابعت: "كل الناس بتحبني حتى الأطفال، وعندي حفيدي سنتين ونص مش بيقول غير عاوز فيفي عبده ويمسك الصورة ويبوسها، أنا هتجنن.. نفسي أعرف ليه بيحبوني الحب ده؟".

وأضافت: "أي بيت متفق على حب فيفي عبده، وسعادتي لا توصف وأنا بشوف الأطفال جايين يجروا عليا وعاملين علامة الـ 5".

يذكر أن، فيفي عبده شاركت في دراما رمضان 2022 بمسلسل "شغل في العالي" بطولة شيرين رضا ومروان يونس، بجانب عدد من ضيوف الشرف من بينهم بيومي فؤاد، و​نضال الشافعي​، والعمل من إخراج مرقس عادل وتأليف حسين مصطفى محرم.