فيفي عبده تكشف سر كلمة "5 مواه"

كتبت- بهيرة فودة:

تحدثت الفنانة فيفي عبده، عن حبها لاستخدام برنامج "سناب شات"، كما كشفت عن سر كلمة "5 مواه".

وقالت فيفي عبده، خلال لقائها ببرنامج "صباح العربية": "موضوع 5 مواه، بدأ في سناب شات، أنا أول واحدة دخلته مصر كان وقتها فيس بوك لسه بيقول يا هادي، وكان عندي نسب مشاهدات عالية جدًا، وكنت بحاول أدخل العالم العربي مع مصر وكنت أون لاين كل يوم وبوريهم أنا بعمل إيه في يومي، ونشوني عين وقعدت عيانة لمدة 3 سنين والحمد لله ربنا نجاني منها، وكنت بقول لبنتي إعملي 5 مواه للفانز بتوعي".

وأضافت: "بنتي خريجة جامعة أمريكية ومتعرفش عربي أوي، وكنت جايبة ليها مُدرس عربي عشان لازم تعرف دينها، ولكن مكانتش عارفة تكتب 5 مواه، ومن هنا جه علامة إيدي 5 مواه، والناس بتفكر إني بخمس في وشهم، وعملت المصطلحات بتاعتي مع الفانز بتاعي، والعالم كله بقى يتكلم إنجليزي أكن مكنش فيه إنجليزي قبل كده".

يذكر أن، فيفي عبده شاركت في دراما رمضان 2022 بمسلسل "شغل في العالي" بطولة شيرين رضا ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، والعمل من إخراج مرقس عادل وتأليف حسين مصطفى محرم.