حمو بيكا: "لفيت العالم ومش غريبة أغني بالمونديال.. وأخدت الكارنيه من نقابة الموسيقيين"

القاهرة- مصراوي:

علق مؤدي المهرجانات حمو بيكا، على تقديمه حفلا في قطر بالتزامن مع مونديال 2022، معتبرا أنه ليس بالأمر الغريب، إذ أنه قام بإحياء الكثير من الحفلات في عدد كبير من دول العالم.

وقال بيكا في لقائه مع برنامج Et بالعربي: "لفيت العالم كله ومش غريبة أغني في المونديال، عملنا حفلة كويسة والجمهور اتفاعل معانا".

وعن جديده قال "عامل أغنية أنا وحسن شاكوش نازلة قريب"، كما كشف عن تطورات أزمته مع نقابة المهن الموسيقية، موضحا "مفيش خلافات أستاذ مصطفى كامل نقيبنا وحل كل مشاكلنا ولما بنسافر بيكون على علم عشان يضمن حقوقنا لو حصل أي حاجة، واخدت الكارنيه".

من ناحية أخرى نفى حمو بيكا، شائعة ارتباطه بالمذيعة سارة خليفة، وقال في لقاء مع برنامج ET بالعربي: "الدنيا كلها كلمتني قلتلهم سارة أختي عادي، واحنا خارجين نجيب هدوم عيل صورنا من غير ما انا أكون راضي، ومراتي عارفة سارة ومحصلش مشكلة لو كان أي حد غير سارة كان ممكن يكون فيه مشكلة".

كان فيديو يجمع حمو بيكا وسارة خليفة انتشر منذ فترة على مواقع التواصل الاجتماعي، وظهر فيه الأول وهو يطلب من الشخص الذي يقوم بتصويرهما ألا يفعل، ومع انتشار الفيديو انتشرت شائعة ارتباطهما.