محمود حميدة يكشف مفاجأة عن برنامج رامز جلال (فيديو)

كتب- عبد الفتاح العجمي

كشف الفنان محمود حميدة، تفاصيل مشاركته مع النجم رامز جلال، في برنامج المقالب "رامز تحت الأرض" عام 2017.

وقال حميدة، في تصريحات له على هامش فعاليات الدورة العاشرة من مهرجان الأقصر للسينما الأفريقية: "طبعا بيتم اتفاقات، مش معقول تجيب نجم كبير، وتعمل فيه مقلب بايخ، قد يؤدي إلى حادثة فظيعة، وهيسبك! هو لو جبني عمل فيّا كده من غير أنا ما أعرف هو عارف إيه اللي هيحصل بعد كده".

أضاف: "اللي بيشتغلوا معاه في البرنامج حالوا يتفقوا معايا قبل ما أعمل الحلقة، وأنا رفضت، فقابلني هو بعدها في رحلة من الرحلات، قالي هو إحنا مش هنول الشرف وتيجي معايا، قولتله أنا مش هعرف أعمل ده لأني لا بحب أكذب على نفسي ولا على الجمهور، عشان ببساطة أكسب فلوس".

تابع: "قولتله اسمع يا رامز عايز تجيبني هاتني من غير ما أعرف، ولما قولتله كده كانت إضاءة لهم بالموافقة، وفعلا جابوني من غير ما أعرف، ومكتشفتش إلا لما خلص المقلب، وعشاني اديته موافقة مبدئية بقيت مش هقدر أقرب من المنتج ولا القناة العارضة، أنا كنت هاخدهم كلهم في سكتي لو مكنتش أعرف".

مهرجان الأقصر للسينما الأفريقية يرأسه شرفيا الفنان الكبير محمود حميدة، وتقيمه مؤسسة شباب الفنانين المستقلين برعاية ودعم من وزارة الثقافة ودعم من وزارة السياحة والآثار ووزارة الخارجية، ومحافظة الأقصر ونقابة السينمائيين وبرعاية هيئة تنشيط السياحة.