أحمد السقا: عملت حادثة صعبة وكان لازم أكون ميت (فيديو)

كتب- عبد الفتاح العجمي:

قال الفنان أحمد السقا، إنه كان قريبا من الموت في 4 مواقف تعرض لها على المستوى الفني.

أضاف السقا، خلال حواره ببرنامج "ABtalks" مع أنس بوخش: "على مستوى الشغل في 4 مرات أنا بجد أنقذتني يد الله، وربنا اللي نجاني".

تابع: "على مستوى الحياة معتقدش إني تعرضت لحاجة شوفت فيها الموت غير في حادثتين في حياتي، حادثة وأنا صغير بعربيتي وربنا نجاني الحمد لله".

استكمل: "الحادثة التانية صعبة، من سنة كنت ماشي بالعربية على طريق سريع لقيت العجلة بتفرقع وبتقلب والحمد لله مكنش في عربيات جاية ورشقت في حيطة، والعربية اتعجنت".

استطرد: "بعد ما عملت الحادثة سمعت الناس وهي بتقول خرجوا المتوفي من العربية، وفي ظابط محترم ساعدني ربنا يكرمه، ولغاية ما نمت وصحيت مكنتش مصدق إني عايش، اللي حصل بكل المقاييس إني لازم أكون مُت، لكن كان ليّا عمر".

يذكر أن أخر أعمال أحمد السقا، مسلسل "نسل الأغراب" مع أمير كرارة، في رمضان 2021.