سهير رمزي: "لو شفت إخواتي في الشارع مش هعرفهم".. وتنازلت عن ميراثي لهم

كتب - هاني صابر:

حلت الفنانة الكبيرة سهير رمزي، ضيفة ببرنامج "السيرة" الذي تقدمه الإعلامية وفاء الكيلاني على قناة dmc.

وقالت سهير، بالحلقة: "محدش من إخواتي بيكلمني، ولغاية دلوقتي ممكن أقابلهم في الشارع معرفهمش، وهما ممكن يكونوا عارفني كـ سهير رمزي من خلال الأفلام".

وتابعت: "اخواتي كانوا صغيرين وقتها، وعشت معاهم كام شهر في البيت وقت الطفولة".

واستكملت: "بعد وفاة والدي، كنت مكتوبة في الميراث، ومنهم من جالي عشان يقولولي إني ليا في الميراث، لأن والدي كان عنده أملاك كتير، ولكن أمي رفضت أروح وقالتلي (احنا مخدناش منه ولا حاجة وهو عايش، وانتي مش محتاجة، واحنا نتنازل لهم عن كل حاجة)".

وأضافت: "اتنازلت لهم عن أي ميراث، وشفت إخواتي مرة واحدة، وجولي 3 أشقاء هم وزوجاتهم وأولادهم البيت.. وهما ممكن دلوقتي يعرفوني لكن أنا معرفهمش، وبقولهم (المفروض نسأل على بعض وأتمني أحضنهم، ومش عارفة أوصلهم)".

View this post on Instagram

A post shared by dmc TV (@dmctv.eg)