"أنا فنان على قدي".. سبب بكاء عمرو دياب (فيديو)

لقاء جمع بين المخرج جميل المغازي، والهضبة عمرو دياب قبل سنوات طويلة، ونشره الأول في مايو 2019، عبر قناته الخاصة على موقع "يوتيوب".

ورد الهضبة خلال اللقاء، على الادعاء بأنه يشتري الجوائز التي يتلقاها، قائلا: "طيب ما غيري يشتري.. أنا مش عارف.. أنا أخدت جائزة طيب يا سيدي ما أخدتهاش هي والجوائز التانية اللي باخدها، مش دي القضية، والله العظيم القضية في الشغل وحب الفن اللي أنت بتقدمه".

وأضاف: "والله أنا بصحى من النوم، لو لقيت حد فنان جابلي أغنية وسمعتها وحست إنها هتعملي حاجة بعيط، ومعيطش يمكن من حاجة تانية خالص وحشة أوي، أنا ربنا اداني تكوين فني".

تابع: "وبعدين ليه المناظرات الرهيبة دي؟ أنا فنان والله ومش لازم أكون سبب القضايا السياسية اللي في العالم، حسسوني إني راجل مؤثر على كل شيء، أنا راجل فنان على قدي، ومعايا مجموعة شباب موسيقيين، بنعمل شوية مزيكا، لو عجبت الناس كويس، معجبتهمش يقولولي امشي.. بس.. لكن ثقافتي لنفسي.. التاريخ والنهضة موضوع كبير أوي عليا وعلى أي فنان، إحنا بنكبر الأشياء".

ويحتفل الهضبة عمرو دياب، اليوم الأحد، بعيد ميلاده الـ59، إذ أنه من مواليد 11 أكتوبر 1961.

الهضبة صاحب مشوار كبير في عالم الغناء، بدأه عام 1983 بأول ألبوماته "يا طريق"، وعلى مدار نحو 4 عقود تالية حقق نجاحات كبيرة وضعته على عرش الأغنية العربية.