روجينا عن أشرف زكي:" كنت أنانية ومش فاهمة"

كتبت- بهيرة فودة:

وجهت الفنانة روجينا رسالة لزوجها الفنان أشرف زكي، نقيب المهن التمثيلية، ونشرت صورة تجمعهما عبر حسابها الرسمي بموقع "إنستجرام".

وعلقت روجينا على الصورة : "ما أنا كنت صغيرة ومش فاهمة وبحبه وأنانية وعايزاه جنبى باستمرار، وكانت كل مشاكلنا أول الجواز أنت بتفضل النقابة عليا، يعنى ممكن يلغى ميعاد مهم ليا عشان رايح مستشفى أو بيحل مشكلة فى تصوير، أو فيه واجب عزاء لغاية ما ربنا حب يعلمنى أو يأدبنى أو يربينى ما هو تربيته أعظم تربية".

وتابعت روجينا: "فيحصلى حادثة موت وأقعد فى المستشفى أربعين يوم ماهونش عليا غير أهلي والناس وزمايلي ووقوفهم جنبى مكنش فيه حاجة اسمها وقت زيارة الناس على طول موجودة والله على جبر الخواطر والناس بتطبطب عليكِ وأنت فى أشد الاحتياج لدا".

واستكملت: "الناس دى ماكنش بتجيلي أنا، كانت بتيجى لأشرف لأنها كانت بترد اللى بيعمله معاهم لأن هو كل سعادته فى الدنيا وهو بيساعد حد، وهو واقف جنب حد وهو بيواسي حد، وهو بيحل مشكلة لحد".

وأضافت روجينا: "عمره ما فرق بين كبير وصغير، ومن ساعة الدرس دا اتعلمت إنوا فيه حد فى الدنيا يبقى هو الأمان والسند هو دا اللي هكلمه أول ما يحصلى حاجة دا، نقيبي أشرف زكي واتعلمت كمان، إن اللي بيعملوا أشرف جوزي هيترد ليا أنا وبناتي وهيبقى فى ميزان حسناته، هعيش أنا وبناتي فخورين بيك يا حبيبى ربنا يحفظك لنا ويديك الصحة وطول العمر".

وانهالت رسائل الشكر لنقيب المهن التمثيلية أشرف زكي عقب رحيل الفنان الشاب هيثم أحمد زكي لمرافقته للجثمان والإسراع في إجراءات الحصول على تصريح الدفن، بعد تدخله واتصاله بالمحامي العام، لعدم وجود أقارب من الدرجة الأولى للفنان الراحل. حتى إقامة العزاء، وأقيم عزاء الفنان الراحل هيثم أحمد زكي، مساء أمس، وكان زكي في مقدمة الحضور واستقبل المعزيين.

View this post on Instagram

ما أنا كنت صغيرة ومش فاهمة وبحبة وأنانية وعايزاه جنبى باستمرار وكانت كل مشاكلنا أول الجواز أنت بتفضل النقابة عليا يعنى ممكن يلغى ميعاد مهم ليا عشان رايح مستشفى أو بيحل مشكلة فى تصوير أو فيه واجب عزاء لغاية ما ربنا حب يعلمنى أو يأدبنى أو يربينى ما هو تربيته أعظم تربية فيحصلى حادثة موت وأقعد فى المستشفى أربعين يوم ماهونش عليا غير أهلى والناس وزمايلى ووقوفهم جنبى مكنش فيه حاجة اسمها وقت زيارة الناس على طول موجودة والله على جبر الخاطر والناس بتطبطب عليك وأنت فى أشد الاحتياج لدا الناس دى ماكنش بتجيلى أنا كانت بتيجى لأشرف لأنها كانت بترد اللى بيعمله معاهم لأن هو كل سعادتة فى الدنيا وهو بيساعد حد وهو واقف جنب حد وهو بيواسى حد وهو بيحل مشكلة لحد وعمره ما فرق بين كبير وصغير من ساعة الدرس دا اتعلمت إنوا فيه حد فى الدنيا يبقى هو الأمان السند هو دا اللى هكلمة أول ما يحصلى حاجة دا نقيبى أشرف زكى واتعلمت كمان إن اللي بيعملوا أشرف جوزى هيترد ليا أنا وبناته وهيبقى فى ميزان حسناته هعيش أنا وبناتي فخورين بيك يا حبيبى ربنا يحفظك لنا ويديك الصحة وطول العمر 🙏 @ashrafzakyoffical

A post shared by Rogena (@rogenaofficial) on Nov 10, 2019 at 3:21am PST