المخرج محمد دياب يهاجم "الفيفا" ويتهمها بالفساد بعد واقعة الشناوي

القاهرة- مصراوي:

أثار خبر رفض حارس مرمى منتخب مصر، اللاعب محمد الشناوي لاستلام جائزة مُقدمة من شركة لبيع الخمور جدلًا واسعًا منذ إعلانه، ما بين مستحسن ومستهجن.

وحرص عدد من المشاهير على التعليق على تصرف الشناوي، ومن بينهم المخرج محمد دياب، الذي كتب عبر حسابه الشخصي على موقع "فيسبوك": "محمد الشناوي حارس مرمى مصر رفض استلام جايزه أحسن لاعب المقدمه من شركة --- للبيرة. التصرف ده لاقى استحسان من ناس واستهجان من آخرين، وفي الحالتين كان الرأي بناء عن موقف الطرفين من الخمور دينيًا".

وتابع "طب نسيبنا من الدين خالص ونحسبها بالتأثير الإيجابي والسلبي على المجتمع. البرازيل منعت بيع الخمور في استاداتها بقانون لأنها تسببت في زياده الشجار بين الجماهير وبعضها وده حال دول عالم كتير، ولكن جت الفيفا في كأس العالم اللي فات وأرغمت البرازيل انها ترجع بيع الخمور؛ لأن الفيفا متعاقدة مع –اسم الشركة- على عقد رعاية. البرازيل فضلت تقاوم طلب الفيفا لآخر وقت ولكن الفيفا كان صارم وأصر على طلبه".

وهاجم دياب "الفيفا"، قائلًا "للأسف الفيفا منظمة فاسدة ومش فارق معاها غير الفلوس ومن أبشع قرارات الفيفا هو قبول عقد رعاية من شركه خمور، وبالتالي ترويجها للشباب اللي بيحب الرياضة!!! بعيدا عن رأي الدين دول غربية كتير بتتعامل مع الخمور زي السجاير، حرية شخصية طبعاً و لكن بتتباع بعد سن ١٨ سنة، فهل منطقي أروج إعلانات خمور لجمهور معظمه تحت السن القانوني للشرب!!!!؟، على فكرة ده نقاش عالمي ومش كلامنا عشان مسلمين ومؤكد في النهاية هتتمنع إعلانات الخمور في الأنشطة الرياضية".

ده بعيدا عن ان حريه الشناوي الشخصيه تسمحله يعمل اللي عاوزه بأي مسمي.