صبا مبارك توجه رسالة للفتيات: "أنتِ حلوة كيف ما كنتي"

كتبت- سما جابر:

وجهت الفنانة صبا مبارك رسالة للفتيات عبر حسابها على موقع انستجرام، حيث نشرت صورة لها بالأبيض والأسود وأرفقتها بتعليق طويل.

وكتبت صبا موجهة حديثها للفتيات: "إذا كنتي مليانة رح يحكوا ناصحة، وإذا نحفتي رح يحكوا ضعيفة، إذا عرضتي حواجبك رح يحكوا متغيرة، إذا الصورة من فوق رح يحكو رأسك كبير".

وأضافت: "بدك تلبسي فستان وتحطي كل المكياج اللي بالعالم؟ حطي، وافرحي وحسي إنك حلوة، وإذا قررتي تلبسي جينز وتيشيرت البسي وحسي إنك بسيطة، إذا الكعب وجع إجرك البسي واطي حتى لو طولك مش ١٨٠.. بدك شعرك كيرلي؟ ما أحلاكي حتى لو حكوا غولة، بدك تسشوريه؟ ممتاز حتى لو حكوا ليش هيك عاملة بحالك كنتي أحلى".

وتابعت: "حاطة فيلتر الورد وطالعة زي الحديقة؟ يا سلام.. حاطة فيلتر الكلب وطالع منو ادنين ولسان؟ كيوت وبتجنني، لكن لما تسمحي انه حد يختصرك وتتلخصي بشكلك، معناه انت صورة وبس ، و يا ريت اسمحيلي، هالصورة أكيد رح تتغير لأنه كل الأشكال بتتغير لأن الوقت بيمر، والموضة بتمر، بالظبط زي ما الوقت بيمر على اللي عم يحكموا على صورتك".

واختتمت: "لكن لما ترفضي إنك تكوني صورة وبس، بتخلي إنجازك هو هدفك، وبتخلي أي تغيير فيكي يكون للأحلى وللأحسن، من جوا لبرا، الفكرة إنك مش صورة.. أنت روح، واللي منهم مفكر إنه صلّح العالم ومش باقي عنده غيرك لحتى يصلحه، ساعتها اعطيه من وقتك واسمعيه، وإذا لأ.. ناوليه مرايه وخليه يصفن بحاله وبجماله.. امشي وارفعي راسك، كيف ما كنتي وإيش ما كان لونك أو طولك أو وزنك.. انت حلوة".