سما المصري: أخويا مش طبال وأختي محجبة وربنا هينصرني

كتب- بهاء حجازي:

نشرت الفنانة سما المصري عبر حسابها الشخصي بموقع "انستجرام" صورة لها، أكدت في تعليقها عليها استمرارها في قرار توبتها، والابتعاد عن ارتداء الملابس التي وصفتها بالعارية.

وكتبت سما "هفضل البس اللي انا مقتنعة بيه مهما حصل ومش هرجع للعريان تاني لإني أخذت قراري بنفسي محدش غصبني عليه، يطلعوا إشاعة ان أختي بترقص بمايوه وأنا أختي أصلا محجبة، تطلعوا برضو إشاعات أن اخويا طبال ولا أهلي كلهم عايشين في كباريه ولا يهز شعرة فيا".

وأضافت سما "بالعكس دا يزيدني قوة وتمسك بقراري، طبعا مش هاين عليهم أنضف، عايزيني علطول في الوحل عشان يشتموني وينهشوا في لحمي زي ما هما عايزين، مش هقول غير حسبي الله ونعم الوكيل وإذا كانوا هم معاهم إعلام ينصرهم عليا وينشر أخبار سيئة عني وعن أسرتي، أنا معايا ربنا اللي أكبر منهم كلهم، وقادر ينصرني عليهم وهينصرني بإذن الله، وحسبي الله ونعم الوكيل".

جدير بالذكر أن سما المصري تعرضت منذ فترة لوعكة صحية دخلت على إثرها المستشفى.