رانيا فريد شوقي تتذكر والدها بكلمات مؤثرة في ذكرى رحيله

كتبت- منى الموجي:

تمر اليوم 27 يوليو الذكرى الـ19 على رحيل "وحش الشاشة" و"ملك الترسو"، الفنان الكبير فريد شوقي، عاشق الفن الذي تعددت مواهبه ما بين التمثيل والتأليف، وكان حريصا على أن يكون شريك أصيل في عالم الفن بالمساهمة في هذا المجال كمنتج.

وفي ذكرى رحيل فريد تذكرته ابنته الفنانة رانيا فريد شوقي عبر صفحتها الشخصية على موقع "فيسبوك"، بكلمات مؤثرة قالت فيها :"النهاردة الذكري الـ19 على وفاة أبويا الملك فريد شوقي والأب أبو البنات امتي وازاي عديت السنين دي كلها والله ما عارفة.. يااااه وحشتني أووووي عارف اكتر حاجة وحشتني ايه؟ ضحكتك اللي تفرح القلب وتحسيسني بجمال الدنيا، أما حضنك فده المادة الخام للحنية والأمان".

وأضافت رانيا "عارف يا بابا أنا بحمد ربنا علي نعم كتيررر، أولهم انك أبويا مش بس لأنك فنان عظيم وأسطورة مستمرة حتى بعد رحيلك، والكل دايما بيحكي عن جمال أخلاقك وجدعنتك وتواضعك وخفة دمك وطيبتك وعطائك لكل حبايبك وزمايلك وحتي اللي متعرفهمش كنت بتساعد الكل، وحبك لأبوك وأمك واخواتك وأولادهم، وتعمل المستحيل عشان تحقق لهم طلباتهم من غير حتى مايطلبوا، كنت ابن بار بأهله واتوفوا وهما بيدعولك وكانوا فخورين بيك".

وتابعت "تاني حاجة بحمد ربنا عليها اللي انت زرعتوا جوايا، الإنسانية بكل معانيها الاإسانية اللي بقت عمله نادرة اليومين دول.. أنا فاكرة كل كلمة ونظرة وشخطة وضحكة وهزارة عشتها معاك، أنا الحمدلله عايشة باسمك وسيرتك الطيبة وحب جماهيرك العريضة في كل العالم العربي، بيقولوا إن الإنسان له نصيب من اسمه وانت اسمك فريد لأنك فعلا فريد الروح والقلب والعطاء والحنية والفن وكل حاجة انت فريد فيها، وأي حد عرفك بيقول كده أنا فخورة اني بنتك بتشرف باسمك واتباهى بيه، أديت رسالتك الفنية بكل شرف وحب وأمانة ورسالتك الإنسانية كمان، ولو في تصرفات مننا اسأت لاسمك يبقي احنا أولادك اللي مسؤولين عنها لأنك ربتنا صح وسامحنا عليه".

وحكت رانيا في رسالتهتا لوالدها، كيف يعيش معها في كل خطواتها حتى بعد رحيله، مشيرة إلى أن بعد ولادتها لانبتها فريدة، خرجت من المستشفى على قبره لتزوره، وظلت تتحدث معه عن الذكريات التي حضرها معها وقت حملها في ابنتها، مضيفة "قولتلك نفسك في ولد ولا بنت قولتلي بنت، قولتلك انت مازهقتش من البنات وقعدنا نفكر هنسميها ايه لو بنت، وانت تقول اسامي وتضحك و سبحان الله ماجبناش سيرة اسم فريدة ده خالص وأول ما ولدتها سميتها فريدة، بس انت كنت مشيت و سبتني مالحقتش تشوفها عشان كده جتلك القرافة تشوفها وتفرح معايا، وسبحان الله يوم تخرج فريدة من المدرسة روحك حضرت معانا عشان تفرحنا وتقولي أنا معاكم وحاسس بيكم".

وكتبت رانيا "لو قالولي نفسك في ايه؟ نفسي ربنا ياخد اللي فاضل من عمري و ترجع تشوف وتفرح وتلعب باحفادك فريد وفريدة وعلي وملك، حتى ملك على اسمك الملك، دول افتقدوا كتير أوي بغيابك.. أقولك سر تامر جوزي كنت هتحبه أوي لانه في كتير منك.. بحببببببببك يا فريد عمري ".

يُذكر أن رانيا فريد شوقي شاركت في السباق الرمضاني الماضي، بمسلسل "قصر العشاق" مع المخرج أحمد صقر.