مؤلف "هروب اضطراري " يكشف عن مأساته مع الثانوية العامة والسقا يرد عليه

كتب- محمد مجدي:

كشف المؤلف محمد سيد بشير، عن مأساته مع نتيجته في الثانوية العامة، حيث كتب عبر صفحته الشخصية بموقع فيس بوك "زي النهاردة من كام سنة، سقطت في الثانوية العامة 3 مرات".

وتابع "بشير"قائلا "تفتكروا أزعل، أضايق، أطق، استسلم، لا دخلت الامتحان، ونجحت المرة الرابعة، ودخلت كلية تجارة تخصص محاسبة، واتخرجت واشتغلت في البورصة من غير واسطة في حاجة مالهاش علاقة بالمحاسبة أصلا، وسبت البورصة واشتغلت في البنك من غير واسطة برضو في حاجة مالهاش علاقة بالمحاسبة للمرة الثانية، وفضلت في البنك 3 سنين ودلوقتي الحمد لله مؤلف قد الدنيا كلها بفضل ربنا وكرمه، وعامل فيلم كنت كاتبه وأنا بسقط في الثانوية العامة، عامل إيرادات لحد دلوقتي 41 مليون".

واختتم "بشير" كلامه مشجعا لطلاب الثانوية العامة قائلا :" لو جبت خمسين في المية أعرف إن دي علامة إنك هتبقي حاجة ف المستقبل وافرح وزغرط، ووري أبوك البوست بتاعي عشان يعرف إن في احتمال تفلح ولو سقطت لقدر الله هتبدأ من تاني وركز تاني بس بلاش تستسلم".

وبعدها قام الفنان أحمد السقا، بإعادة نشر ما كتبه "بشير"، حيث علق عليه قائلا "أوعى تستلم أبدا، كمل وحارب على حلمك، دي حكاية لمؤلف هبوط اضطراري، اللي فضحنا في الثانوية العامة". 

فيلم "هروب اضطراري" هو أول تجربة سينمائية للمؤلف محمد سيد بشير

يذكر أن المؤلف محمد سيد بشير قام بتأليف فيلم "هروب اضطراري" بطولة النجم أحمد السقا، إخراج أحمد خالد موسى وتم طرحه في موسم عيد الفطر الماضي، كما قام بتأليف مسلسل " 7 ارواح" بطولة النجم خالد النبوي، وعرض رمضان 2016 .